Фудбалерите на Црвена звезда обезбедија пласман во плејофот за место во Лигата на шампионите. Откако на првиот меч српскиот првак славеше со 3:1, на реваншот на стадионот „Рајко Митиќ“ пред 45.000 гледачи, белградските „црвено-бели“ ремизираа против полскиот Лех Познањ.

Единствениот гол за Црвена Звезда беше дело на Ндијае од пенал пред крајот на првото полувреме (45+1`). Гостите израмнија преку Ишак во судиското продолжение (90+3`).

Од 57 минута домаќините играа со фудбалер помалку поради црвениот картон на Родриго.

Последна пречка на патот кон Лигата на шампионите оваа сезона за Црвена звезда ќе биде Пафос.

Кипарскиот Пафос успеа со вкупни 3:0 во двомечот да го елиминира Динамо Киев од Украина.