ВИДЕО: Чурлинов асистираше, а Залазар возврати со гол од пола терен против Нирнберг

чурлинов
Дарко Чурлинов имаше значаен придонес во успехот на Шалке/Фото: EPA-EFE/SASCHA STEINBACH

Денеска во последното 34 коло од втората германска лига составот на Шалке триумфираше на гостувањето кај Нирнберг со 1:2.

Клубот од Гелзенкирхен кој веќе го славеше враќањето во Бундеслигата ја заврши сезоната со 20 победи за прво место на табелата со 65 освоени бодови.

Македонскиот репрезентативец Дарко Чурлинов и на денешниот меч имаше значаен придонес и ги крена уште повеќе најавите дека и следната сезона ќе го гледаме во дресот на Шалке, иако е моментно на позајмица од Штутгарт, кој патем во саботата обезбеди опстанок во елитата.

Во 15 минута од средбата Чурлинов (кој го одигра целиот меч) асистираше до Уругваецот Родриго Залазар, а овој возврати со фантастичен гол од пола терен и ја испрати топката во мрежата на Клаус.

Домаќините во 86 минута израмнија преку Шлејмер, а само 120 секунди подоцна конечниот епилог го постави Терод по асистенцијата на Идризи.

Со Шалке, во Бундеслигата се враќа и Вердер Бремен, а бараж ќе игра екипата на Хамбургер против Херта Берлин.

Видео на денот