Бред Пит за враќањето во улогата на Клиф Бут во претстојниот филм на Нетфликс „Авантурите на Клиф Бут“ (The Adventures of Cliff Booth) наводно ќе заработи 40 милиони долари. Според новиот извештај, тој износ го покрива хонорарот на 62-годишниот актер и продукцијата, пишува „Пак“. Станува збор за проект кој веќе сега привлекува големо внимание. Враќањето на популарниот лик дополнително го зголеми интересот на публиката.

Ако информацијата се покаже дека е точна, ова би бил еден од најголемите хонорари на Пит во неговата кариера. За споредба, за улогата на Сони Хејс во филмот „Ф1“ наводно добил 30 милиони долари. Се проценува дека за филмот „Волци“ (Wolfs) заработил помеѓу 35 и 45 милиони долари , во кој глуми со Џорџ Клуни. Сепак, Клуни подоцна јавно ја оспори таа бројка.

Во истиот извештај се наведува дека режисерот Дејвид Финчер за својата работа на филмот добил 20 милиони долари. Квентин Тарантино, автор на оригиналниот филм „Беше еднаш во Холивуд“ (Once Upon a Time in Hollywood), за отстапување на правата за користење на неговите ликови и сценарија ќе добие повеќе од 20 милиони долари преку т. н. „лиценца за еден филм“.  Станува збор за соработка на големи имиња во филмската индустрија. Токму затоа проектот привлекува дополнително внимание.

Филмот, кој е снимен во 2025 година во Калифорнија, е продолжение на хитот на Тарантино, а дејството се одвива во 1977 година, седум години по настаните од првиот дел. Приказната го следи патувањето на Клиф додека тој работи како „поправач“ во Холивуд, решавајќи ги проблемите за моќниците на филмската индустрија.

Заедно со Пит, во филмот глумат и Тимоти Олифант и Карла Гуџино. „Авантурите на Клиф Бут“ сè уште нема официјален датум на објавување, но Нетфликс неодамна го објави првиот трејлер во текот на преносот на Супербоул.

„Форбс“ ги избра најплатените актери и актери: Кој и колку заработи во 2025 година

Дали Бред Пит ја нарече Анџелина Џоли „грешка“?