ВИДЕО: Белоруската атлетичарка во бегство слета во Виена, следна станица Варшава

Фото: facebook.com/newsrambler/

Авионот во кој се наоѓа белоруската спринтерка Кристина Тимановскаја, слета во Виена, покажаа снимките објавени на телевизија.

Тимановскаја ја напушти Јапонија рано утрово под дипломатска заштита на Полска. Подоцна ќе отпатува за Варшава.

Се очекуваше Тимановскаја да отпатува директно во Варшава откако Полска ѝ додели хуманитарна виза, но таа ја смени дестинацијата во последен момент, рекоа официјалните лица.

Тимановскаја претходно одби да се качи на авион за Минск од Токио, откако ги критикуваше своите тренери.

Белорусија објави дека е отстранета од националниот тим на Летните олимписки игри во Токио поради емоционалната состојба.

ВИДЕО | Спринтерка во Токио побара помош од ИОК: Сакаат на сила да ме вратат во Белорусија

Видео на денот