Денеска се одиграа нови пријателски натпревари како финална подготовка пред стартот на Европското првенство, а за кои исто така се и во наш интерес.

Две репрезентации ги одиграа последните контролни средби пред патувањето за Букурешт, првиот ривал на Македонија на ЕП, селекцијата на Австрија во Виена одигра само 0:0 против Словачка.

Еве како изгледаше стартниот состав на Австрија со формација 4-2-3-1: Бахман – Улмер, Хинтерегер, Лиенхарт, Тримел – Алаба, Грилич – Баумгартнер, Сабицер, Лазаро – Калајџиќ.

Пред четири дена во Мидлзброу Австријците имаа уште една пријателска средба со минимален пораз од Англија (1:0). Така, без постигнат гол избраниците на селекторот Франко Фода ќе го дочекаат мечот со Македонија на 13 јуни во Букурешт со почеток од 18.00 часот.

После ремито во Енсхеде со Шкотска (2:2), Холандија на вториот контролен дуел во Амстердам со 3:0 триумфираше над Грузија.

„Лалињата“, кои исто така се наши противници во групата „Ц“ на ЕП, дојдоа до триумфот со головите на Депај од пенал во 10 минута, истиот играч асистираше во вториот погодок реализиран од Вегхорст во 55 минута, а конечниот епилог го постави Гравенберх (76`).

Еве како изгледаше стартниот состав на Холандија со формација 5-3-2: Стекеленбург – Вијндал, Блинд, де Врај, Тимбер, Дамфрис, де Јонг, Вајналдум, де Роон – Депај, Вегхорст.

Во другите пријателски натпревари: Данска-Босна и Херцеговина 2:0, Англија-Романија 1:0, Луксембург-Шкотска 0:1 и Молдавија-Азербејџан 1:0.

Хрватите се испокараа пред ЕП, Крамариќ влезе во кавга со селекторот Далиќ