Состојбата во хрватската фудбалска репрезентација пред настапот на ЕП е тензичка откако во војна на зборови влегоа селекторт Златко Далиќ и напаѓачот на Хофенхајм, Андреј Крамариќ.
Крамариќ е лут на селекторот Далиќ бидејќи го фаворизира играчот на Динамо Загреб, Бруно Петковиќ, кој не се наоѓа во најдобра форма.
– Мојата позиција ја знаат дури и бабите на село – му рекол Крамариќ на селекторот.

Искусниот напаѓач бил видно незадоволен откако Далиќ на натпреварот против Ерменија го ставил да игра на позиција која не му одговара, и тоа наместо позицијата на напаѓач како што игра во Хофенхајм.

Доколку тензиите не се смират во наредните неколку дена, лесно може да се случи Крамариќ кој беше дел од репрезентацијата која во 2018 година стана светски вицешампион, да биде исфрлен од националниот тим.
Ниту селекторот Златко Далиќ не му остана должен на Крамариќ и остро му одговори.
– Крамариќ, Влашиќ па и Пашалиж се многу блиску со составот, но се зависи од противникот. Тука нема место за незадоволство, нема место за недоразбирања. Јас одговарам за екипата која ја составувам и за тактиката – одговори Далиќ.
Хрватска првиот натпревар на Евро 2020 ќе го игра на 13. јуни против Англија во Лондон.