Со заеднички сили кошаркарите на Атланта дојдоа до пресврт во четвртиот натпревар доцна синоќа и славеа против Филаделфија со 103:100.

Иако Филаделфија во текот на првото полувреме имаше и „плус 18“ предност на семафорот, на крајот популарните „јастреби“ се погрижија за целосен пресврт.

На тој начин Хокси стигнаа до израмнување на 2:2 во серијата во конференциското полуфинале на Источната конференција.

Најзаслужни за триумфот на Атланта беа Треј Јанг со 25 поени (18 асистенции) и српскиот интернационалец Богдан Богдановиќ со 22 поени.

На спротивната страна за Сиксерси најрасположен беше Тобајас Херис со 20 поени, по три помалку имаа Сет Кари и Камерунецот Џоел Ембид (21 скок).

Во вториот дуел од синоќешната НБА програма во конференциското полуфинале на Западот на 2:2 израмнија Клиперси против Јута славејќи победа од 118:104.

За составот од Лос Анџелес доминираа Пол Џорџ и Кавај Ленард со по 31 кош, а кај „џезерите“ прв стрелец беше Донован Мичел со 37 поени.