ВИДЕО | Астрономите првпат забележаа ѕвезда како „голтнува“ планета
Астрономите имаат забележано ѕвезди непосредно пред или откако ќе бидат „голтнати“ од планетите, но никогаш досега не бил евидентиран самиот процес. Се верува дека повеќето планети ќе го дочекаат својот крај кога нивната ѕвезда домаќин ќе снема енергија., пишува „Би-би-си“.
Во новата студија, тим од научници од Технолошкиот институт во Масачусетс, Универзитетот во Харвард и Технолошкиот институт во Калифорнија дошле до случајно откритие. Тие прво забележале ѕвезда која ненадејно се зголемила во светлината за повеќе од 100 пати во период од само 10 дена. Понатамошните набљудувања утврдиле дека „проголтаната“ планета е со слична маса на Јупитер, а била толку блиску до својата ѕвезда што ја завршила својата орбита за само еден ден.
Ѕвездата, која е доста слична на Сонцето, ја „проголтала“ планетата во период од околу 100 дена, почнувајќи со нејзините рабови, при што се исфрлила прашина. Во последните десет дена се случила силна експлозија, бидејќи планетата била целосно уништена и „проголтана“ во ѕвездата.
Експертите сугерираат дека Земјата ќе има сличен крај, но не за уште пет милијарди години, кога се очекува Сонцето да изгори, а со тоа да ги изгори планети на Сончевиот систем. Се претпоставува, дека настанот ќе биде „помалку драматичен“, бидејќи карпестите планети како што се Земјата, Меркур и Венера се многу помали од гасните џинови.