„Тобџиите“ беа апсолутни фаворити, на крајот после два голови заостанување стигнаа до голема и важна победа во Премиер лигата против Борнмут со 3:2.

Арсенал се бори сезонава за освојување на титулата, после 20 победа има пет бодови предност во однос на второпласираниот Манчестер сити кој претходно славеше над Њукасл.

Водеа гостите по првиот дел со голот на Билинг во првата минута, а во 57 минута ја зголемија позитивата преку Сенеси.

Парти во 62 минута го најави пресврт на домаќините, израмни Вајт (70`), а во судиското надополнување (90+7`) Нелсон го постави конечниот епилог.

Челси по подолг период вкуси триумф, последен пат во Премиер лигата забележа победа на 15 јануари. Лондонските „сини“ после пет мечеви без триумф денеска го совладаа Лидс (1:0) со голот на Фофана во 53 минута.

Во другите натпревари: Астон Вила – Кристал палас 1:0, Брајтон – Вест хем 4:0 и Вулверхемптон – Тотенхем 1:0.