Манчестер сити не дозволи никакво изненадување во рамките од 26 коло во Премиер лигата, на домашен терен со 2:0 триумфираше над Њукасл.

Головите за „граѓаните“ ги постигнаа Фил Фоден во 15 и Бернардо Силва во 67 минута од средбата на стадионот „Етихад“ во Манчестер.

Играчите на Пеп Гвардиола се на втората позиција на табелата со 58 бодови, два помалку од водечкиот Арсенал кој својот меч ќе го има од 16.00 часот дома против Борнмут.

Њукасл кој се наоѓа во резултатска криза и веќе петти натпревар по ред не знае за победа, се наоѓа на петтата позиција со 41 бод.

Во следното коло Сити ќе му гостува на Кристал палас, додека Њукасл е домаќин на Вулверхемптон.