Во петтото претпоследно коло од групната фаза во Лигата на Европа екипата на АЕК Ларнака ремизираше на домашен терен против Динамо Киев со 3:3.

За кипарскиот клуб не настапи македонскиот напаѓач Иван Тричковски кој поради повреда (на мечот со АПОЕЛ) ќе паузира три недели. Со овој бод АЕК Ларнака го обезбеди третото место кое води во Лигата на конференции.

Во истата група „Д“ Фенербахче во Истанбул со 3:3 одигра нерешено со екипата на Рен. Иако Французите водеа со 0:3 после половина час игра, Турците се вратија и на крајот успеаја да го избегнат поразот.

При резултат 1:3, за Фенер од 60 минута настапи нашиот репрезентативец Езџан Алиоски. На табелата Фенербахче е првопласиран со 11 бодови, колку што има и Рен, следува АЕК Ларнака со четири бодови, а еден Динамо Киев.

Ердал Ракип настапи од 72 минута за шведскиот Малме кој претрпе уште еден, петти во групата „Д“, овојпат дома од белгискиот Ројал Унион со 0:2

Во другите мечеви: Лацио – Митјиланд 2:1, Лудогорец – Бетис 0:1, ПСВ – Арсенал 2:0, Унион Берлин – Брага 1:0 Цирих – Бодо/Глимт 2:1.