Неда Чаловска, адвокатка на семејството на Ивана и Катја, кои загинаа со пад од зграда по континуирано семејно насилство од обвинетиот Стојанче Јовановски, денеска по првото судско рочиште истакна дека самоубиство поради семејно насилство се смета за фемицид. Семејството на Ивана денеска се приклучи кон кривичен прогон на Стојанче Јовановски и достави отштетно побарување.

-Денеска обвинетиот прво призна вина за двете кривични дела, па го повлече признанието. За третото кривично дело „наведување на самоубиство“ сакам да кажам дека во нашиот правосуден систем за првпат се води ваква постапка. Но, во другите држави не е толку чудно ако жртва на континуирано семејно насилство се самоубие, сопругот или интимниот партнер да биде осуден за ова кривично дело. Така што, очекуваме во целост да биде прифатено обвинението зашто во поширока смисла во меѓународниот аспект, самоубиство поради семејно насилство се смета за фемицид, рече Чаловска.

ФОТО+ВИДЕО | Стојанче Јовановски се смешкаше во судница додека обвинителката Адела Бојчевиќ читаше како ја малтретирал Ивана, а потоа почна да плаче кога го прашаа дали е виновен