Веселин Вујовиќ е на чекор до нов камбек на селекторската функција, а според информациите на „Балкан Хендбол“, искусниот стратег повторно ќе ја преземе репрезентацијата на Катар.

Поранешниот тренер на Вардар веќе отпатувал во Доха, каде што треба да седне на клупата на селекцијата која ја водеше и на Светско првенство во ракомет 2025 во Хрватска, каде Катар го заврши настапот на 21. позиција.

По неговото заминување, селекцијата ја презеде Валеро Ривера, но поразот од Бахреин во финалето на Азиското првенство, по серијата од шест титули, очигледно беше пресуден за нова тренерска смена.

Според најавите, Вујовиќ веќе се договорил со катарската федерација да ја води селекцијата на Светско првенство во 2027 во Германија.

Во својата богата кариера, Вујовиќ како селектор ги водеше и репрезентациите на Иран, Словенија, Србија и Црна Гора.

Македонски напаѓач е херој на сензацијата во Швајцарија – сакаа да не испаднат, а сега се пред титула

Еден од хероите на БиХ во пласманот на Мундијалот е пред трансфер на кариерата