Верона го враќа Алиоски во Европа?!

Езџјан Алиоски/ Фото: EPA-EFE/NAKE BATEV

Македонскиот фудбалски репрезентативец Езџјан Алиоски, во зимскиот преоден рок би можел да се врати во Европа и потпише за екипата на Верона.

Алиоски кој моментно настапува во Саудиска Арабија за екипата на Ал Ахли, се наоѓа на „радарот“ на Верона.

Екипата која настапува во Серија А во зимскиот преоден рок планира да се засили со фудбалер кој игра по левата страна. Во моментов во овој тим на таа позиција игра Дарко Лазовиќ, но на Верона и треба уште еден фудбалер.

Алиоски на почетокот од сезонава, се пресели во Саудиска Арабија во екипата на Ал Ахли, откако четири години го носеше дресот на Лидс.
Алиоски за македонската репрезентација досега одигра 54 натпревари на кои постигна 12 голови.

Видео на денот