Прес-службата на Ватикан испрати до медиумите фотографија од папата Франциск, фотографиран од профил, додека служел миса во капелата на болницата Агостино Гемели во Рим, каде што бил примен на 14 февруари.

Ова е прва фотографија од понтифот дадена за медиумите откако е во болница поради двојно воспаление на белите дробови.

The Holy See Press Office has released a picture of Pope Francis in prayer after concelebrating the Eucharist this morning. It’s the first to be released since the Pope’s hospitalisation on 14 February.

Photo © Holy See Press Office pic.twitter.com/U2vvzAI1gv

— Vatican News (@VaticanNews) March 16, 2025

„Доживувам период на искушение, јас сум на страната на многу болни браќа и сестри кои моментално се чувствуваат ранливи“, истакна папата Фрациск во својата неделна писмена порака до верниците од болницата Гемели во Рим, каде што се уште е хоспитализиран.

„Нашите тела се слаби, но, дури и под овие околности, никој не може да не спречи да се сакаме, да се молиме и да се даваме од себе“. Да бидеме, еден за друг, во нашата вера, светли знаци на надеж“, додаде понтифот, чие здравје се подобрува.

Френциск им се заблагодари на сите верници за нивните молитви, како и на сите лекари и медицински сестри кои му пружаат нега во болницата Агостино Гемели во Рим.

Папата не пропушти да им се заблагодари на 300-те деца кои во неделата наутро се собраа на плоштадот на клиниката за да му понудат „симболична прегратка“.

„Знам дека многу деца се молат за мое исцелување, некои од нив дури дојдоа во болница за да ми покажат дека се блиску до мене. Ви благодарам, драги деца. „Папата ве сака и секогаш чека да се сретнеме“, нагласи Франциск.