Вардар се збогуваше со ракометарите кои си заминуваат (ВИДЕО)

Фото: Слободен печат/ Драган Митрески

Вардар ја освои европската титула, втора во својата клупска историја, веќе се шпекулираат нови засилувања за наредната сезона, а познато е официјално кои ќе си одат летово.

Голманот Милосављев се сели во редовите на Фуксе Берлин, потоа Мораеш оди во Веспрем, Карачиќ во Келце, а Калараш е промовиран во Мотор Запорожје.

За Војводиќ се вели дека оди во романската Баја Маре, а Русинот Кисељев се враќа дома во Чеховски Медведи.

– Ви благодариме Дејан Милосављев, Рожерио Мораеш, Глеб Калараш, Игор Карачиќ, Димитри Кисељев, Јања Војводиќ и Роберто Парондо.

Заедно се радувавме на одлични моменти, трофеи и титули. Ги освоивте нашите срца. Уживајте во шампионскиот успех.

СРЕЌНО! – стои во пораката на РК Вардар.

Видео на денот