Денеска во дербито на машката ракометна Суперлига, екипата на Вардар 1961 славеше во Битола над директниот конкурент за титулата, Еурофарм Пелистер, со резултат 27:22.

По првото полувреме водеа домаќините со 12:11, но следуваше пресвртот на скопските „црвено-црни“ кои го добија вторите 30 минути со 16:10.

Во победничките редови Јака Малус постигна осум голови, а еден помалку Милан Лазаревски.

На спротивната страна по три погодоци имаа Дејан Манасков, Андреј Видомски, Рудолф Хакбарт и Филип Кузмановски.

На табелата сега Вардар 1961 има 46 бодови, шест повеќе од Еурофарм Пелистер на втората позиција.

Во следното коло играчите на Иван Чупиќ на 28 март ќе го пречекаат ГРК Охрид, додека тимот на Стевче Алушовски истиот ден ќе гостува кај Бутел Скопје.