Познатиот фински возач Валтери Ботас ќе биде дел од Кадилак во Формула 1 следната сезона. Тимот на Кадилак официјално ќе биде дел од Формула 1 во 2026 година, а нивниот прв возач ќе биде Валтери Ботас.

Според Formula.hu и Racingnews365, финскиот возач и поранешен член на Заубер, Алфа Ромео, Мерцедес и Вилијамс ќе биде претставен како нов возач на Кадилак следната недела.

Ботас е поврзуван со Кадилак веќе некое време, но се верува дека тимот прво ќе направи неколку тестови со стариот автомобил на Ферари и ќе направи чекор кон следната сезона со познатиот Финец.

Кадилак моментно го води Греам Лаудон, кој добро го познава Ботас. Во последните години, Лаудон работеше како менаџер на Гуанџуо Јо, кој возеше заедно со Ботас три години пред двајцата да се повлечат од гридот на крајот на минатата година.

Ботас се врати во Мерцедес оваа сезона како резервен возач и учествуваше во тестирањето, додека му помагаше на Кими Антонели за време на неговата дебитантска сезона во Ф1. Сè уште не е познато кој ќе биде втор возач на „Кадилак“, но како потенцијални опции се споменуваат Серхио Перез и Даниел Рикардо.