По двете одржани блокади, од граѓанската иницијатива „Стоп за Усје“ најавија дека во сабота, на 31 јануари ќе се одржи протестен марш со почеток во 12:00 часот, како притисок за, како што велат, поефикасна институционална реакција за правото на чист воздух во Скопје.

„Стоп за Усје“ ги стокми барањата: Не може да биде „деловна тајна“ што испуштаат индустриските капацитети во воздухот

Маршот ќе стартува пред Владата, ќе продолжи кон Собранието и ќе заврши пред Министерството за животна средина и просторно планирање.

Од иницијативата ги повикуваат граѓаните масовно да се приклучат и порачаа дека досега испратиле барања до повеќе институции, но, според нив, не добиле одговор. Токму затоа, велат, одговорите повторно ќе ги побараат „на улица“, со порака дека ниту еден профит не смее да биде поважен од здравјето и животот на граѓаните.

 

View this post on Instagram

 

A post shared by Стоп за Усје (@stop_za_usje)

Од „Стоп за Усје“ нагласија дека протестите се граѓански и дека не се дозволени партиска промоција и партиски симболи и апелираат маршот да помине мирно, без насилство и без говор на омраза. Во својот повик, од иницијативата посочуваат дека нема да се повлече, сè додека, како што тврдат, јавноста се уверува со бројки од мерења „кои ги прави самата фабрика“.

ВИДЕО | Густа магла во главниот град: И утрово Скопје меѓу најзагадените градови во Европа

Наспроти овие обвинувања, од цементарницата ТИТАН Усје претходно реагираа дека работат согласно домашната регулатива и дека имаат континуиран 24-часовен независен мониторинг на емисиите, со јавно достапни резултати од мерењата. Од компанијата тврдат дека во изминатите шест години инвестирале над 36 милиони евра, од кои дел биле за унапредување на заштитата на животната средина, и дека не ги надминуваат граничните вредности утврдени во дозволите.