Од граѓанската иницијатива „Стоп за Усје“ на 25-ти декември во 18 часот пред Цементарница „Усје“ најавуваат блокада и ги повикуваат граѓаните на протестен собир со порака дека „воздухот во Скопје нема да се исчисти сам“.

ГАЛЕРИЈА | Токсичен облак над Скопје

Според податоците на меѓународната платформа Climate TRACE, Цементара „Усје“ е идентификувана како еден од најголемите извори на загадување од ПМ2.5 честички, рангирана меѓу првите 10 отсто емитери на глобално ниво.

Како што наведуваат од Иницијативата, податоците на апликацијата со вештачка интелигенција Climate TRACE, базирани на сателитско следење и моделирање на индустриските емисии, покажуваат јасни облаци од ПМ2.5 честички кои се движат директно кон Скопје, што, според нив, укажува на значително влијание врз квалитетот на воздухот во градот.

Од „Стоп за Усје“ нагласуваат дека во македонската регулатива сè уште не е утврден дневен лимит за ПМ2.5 честичките, иако тие се значително поопасни по здравјето од ПМ10. За ПM10 честичките, согласно правилникот на Министерството за животна средина, дозволено е надминување на граничните вредности најмногу 35 дена во текот на една година.

 

View this post on Instagram

 

A post shared by Стоп за Усје (@stop_za_usje)

Дополнително, оттаму додадоа дека според Светската здравствена организација (СЗО), доколку ПM10 или ПМ2.5 ја надминат дневната дозволена вредност повеќе од три до четири дена годишно, воздухот се смета за потенцијално штетен за здравјето на луѓето — состојба која, како што велат од иницијативата, во Скопје се јавува многу почесто.

ВИДЕО | Густа магла во главниот град: И утрово Скопје меѓу најзагадените градови во Европа