Унгарската полиција уапсила 30-годишен болничар под сомнение дека откопувал гробови и јадел човечки остатоци, пренесува „Асошијатед прес“.

Осомничениот бил уапсен на 17 јуни во Будимпешта, по дојава дека крие делови од тела во својот дом и на работното место во болница.

При претрес на неговиот стан, полицијата пронашла черепи, цела потколеница, рака, кожа од лице и ковчег полн со други коски. Пронајдено било и срце во тегла, за кое форензичарите сè уште утврдуваат дали е од човечко или од животинско потекло.

Болничарот ја признал вината и изјавил дека бил „опседнат“ со човечката анатомија. Тој признал и дека некои делови од телата ги готвел и ги јадел.

Полицијата се сомнева дека до останките доаѓал преку работата во болница, но и со откопување гробови на напуштени гробишта во Унгарија и во Словачка.

Мажот моментално се наоѓа во притвор поради сомнение за нелегално користење човечки тела, а полицијата ги запленила неговите компјутери и мобилни телефони за понатамошна истрага.

Босански канибал кој со секира си ја убил мајката и го јадел нејзиното тело останува на лекување