Најмалку 15 руски региони вчера воведоа ограничувања на продажбата на гориво поради се поголемите недостатоци, влошени од украинските напади со беспилотни летала врз рафинериите за нафта. Минатонеделниот напад врз московската рафинерија, една од најголемите во земјата, ја запре нејзината работа. Таа фабрика снабдува 40 проценти од московскиот пазар и поголемиот дел од регионот, пишува „Киев Индепендент“.

Иако воведоа ограничувања за продажба на бензин и дизел, руските власти минимизираа каква било поврзаност со војната во Украина. Повеќето официјални лица тврдат дека целта е да се спречат „вештачки создадени“ недостатоци. На пример, властите во регионот Белгород наведуваат дека залихите се доволни, но ограничувањата се неопходни за да се „спречат можни недостатоци“.

The Moscow-Saint Petersburg highway. A massive queue has formed at a gas station. Fuel sale restrictions have been introduced across Russia. pic.twitter.com/zJm8VuL2pK

— WarTranslated (@wartranslated) June 16, 2026

Во тој регион, луѓето можеа да купат максимум 30 литри бензин или 60 литри дизел на пумпите на „Лукоил“, продажбата во канистри беше ограничена во „Роснефт“, а „Гаспром Нефт“ престана да продава бензин АИ-95.

Освен во Белгород, ограничувања беа воведени и во регионите Иркутск, Брјанск, Курск, Новосибирск, Саратов, Тјумен, Пенза, Воронеж, Мурманск, Владимир и Омск. Мерките се на сила и во автономниот округ Ханти-Мансијск, Република Северна Осетија-Аланија и Краснојарската територија. Некои од овие региони се оддалечени илјадници километри од украинската граница, што е доказ за растечкиот дострел на украинските напади и неуспехот на Кремљ да ја држи војната надвор од границите на Русија.

❗️A massive fuel queue has formed on the M-11 highway between Moscow and St. Petersburg

Drivers are reportedly being forced to wait in line for up to three hours just to refuel.

Videos circulating online show long lines of vehicles stretching along the highway as motorists… pic.twitter.com/vzzxkc6Mzy

— NEXTA (@nexta_tv) June 16, 2026

Кремљ: Ситуацијата е под контрола

Рускиот вицепремиер Александар Новак вчера изјави дека ситуацијата со горивото е „тешка, но под контрола“. На средбата со претседателот Владимир Путин, тој рече дека Русија размислува за воведување забрана за извоз на дизел, додека извозот на бензин беше забранет уште во март. Новак тврди дека ограничувањата за продажба низ целата земја се резултат на „повремени и објаснети логистички проблеми“. На истиот состанок, Путин рече дека ѝ наредил на владата да преземе мерки за намалување на последиците од украинските напади, без да прецизира за какви мерки станува збор.

Путин: Западот отворено се подготвува за војна со Русија — спремни сме да одговориме

Украина: Рафинериите се легитимни цели

Украина ги смета руските рафинерии за легитимни воени цели бидејќи овие капацитети произведуваат гориво и средства за воената машинерија на Кремљ. Најновите напади ставаат дополнителен товар врз руската нафтена индустрија, која веќе е под притисок од западните санкции.

Недостатокот на гориво се чувствува силно и во окупираниот Крим, каде што ограничувањата за продажба се во сила со недели.

ВИДЕО | „Го видовме Кримскиот мост одблизу“ – Украина најави силни удари на Крим