Министерот за здравство на Кенија вчера изјави дека наредил итно запирање на изградбата на карантински центар наменет за Американци заразени од ебола, објави „Ројтерс“.

Министерот Аден Дуале ја соопшти одлуката еден ден откако бил прогласен за виновен за непочитување на судот поради тоа што не ги испочитувал наредбите за прекин на работите.

Дуале се појавил пред кениски суд кој ја блокирал изградбата на шаторскиот објект, финансиран од САД, во близина на централниот град Нанјуки, каде што претходно се одржале протести против планот, при што имало и жртви.

Објектот бил наменет за згрижување на американски државјани кои биле изложени на ебола за време на тековната епидемија во Демократска Република Конго, каде што досега се регистрирани повеќе од 1.000 случаи.

Кенија: Останки од седум возрасни и 25 бебиња пронајдени во вреќи во масовна гробница

Сателитските снимки од 22 јуни, анализирани од „Ројтерс“, покажале зголемување на бројот на шатори, проширување на асфалтираната површина и напредок во изградбата, вклучително и поставување структури кои наликувале на контејнери, во споредба со снимките од почетокот на месецот.

При изрекувањето на пресудата, судијката Патриша Њаунди Манде го предупредила Дуале да не го прекршува судскиот налог во иднина и го ослободила без изрекување казна.

И покрај судските наредби, авиони кои превезувале медицинска опрема и специјализиран персонал продолжиле да пристигнуваат во воздухопловната база, покажуваат податоците за следење на летови и информации од американски и од дипломатски извори.

Американски претставник минатата недела изјавил дека авиони и натаму слетуваат во базата носејќи материјали за објектот, додека персоналот на терен се обучува за работа во него.

Еболата се шири во ДР Конго — бројот на заразени се зголеми на 956, починаа 247 луѓе