Украинските сили за специјални операции (ССО) објавија уништување на железнички мост над Севернокримскиот канал во окупираниот Крим, посочувајќи дека тој бил клучен за руската воена логистика, пренесува „Украинска правда“.

⚡️ The moment Ukraine’s Special Operations Forces eliminated the railway bridge over the North Crimean Canal

Crimea is looking a little more like an island every day🤌 pic.twitter.com/fQcGMAcHqk

— NEXTA (@nexta_tv) June 23, 2026

Според нив, операцијата била спроведена во две фази од беспилотни летала со цел да се нарушат транспортните правци поддржани од руските сили на југот на Украина. Објавени се и снимки од нападот, за кои „Киев пост“ наведува дека не може независно да го потврди времето или локацијата на инцидентот.

Веста првично беше објавена на официјалниот профил на ССО на социјалнаите мрежи со кратка и недвосмислена порака: „Жалиме, но имаме официјална и итна порака: железничкиот мост над Севернокримскиот канал во Крим повеќе не постои“.

Подоцна, во подетално соопштение, беше разјаснето дека нападот во близина на селото Роздолне го извршиле единици на ССО „Среден удар“ во соработка со членови на Движењето на отпорот.

Операција во две фази

Според соопштението за медиумите, првиот напад бил извршен вчера во раните утрински часови со прецизни напади со беспилотни летала. Во нападот, железничката линија била уништена, а еден дел од мостот бил срушен. Потоа, Отпорот извести дека руските сили донеле опрема за поправка на местото на настанот, што го поттикнало вториот чекор од операцијата.

Утрово, беспилотните летала на ССО наводно повторно го нападнале местото, погодувајќи опрема за поправка и преостанати делови од оштетениот мост.

Прекин на клучна логистичка линија

ССО нагласува дека уништениот мост претставувал „стратешка воено-логистичка артерија“ за руските сили. Се користел за транспорт на товар, ресурси и воена опрема од Русија преку Крим до јужна Украина, како и за снабдување во рамките на самиот полуостров.

„Силите за специјални операции продолжуваат да ја нарушуваат непријателската воена логистика, намалувајќи ги нивните офанзивни и одбранбени способности“, се заклучува во соопштението.

Командантот на Силите за беспилотни системи Роберт „Маѓар“ Бровди изјави дека во ноќните напади биле погодени повеќе од 60 руски воени цели на окупираните територии. Тој објасни дека биле користени беспилотни летала со среден дострел, кои можат да погодат цели на растојанија од 30 до 200 километри.

Според него, меѓу целите погодени на Крим биле три извидувачки-ударни беспилотни летала „Орион“, радарската станица „Небо-У“, противвоздушниот систем „Панцир-С1“, лансирната рампа С-300 и противвоздушниот топ ЗУ-23. Бровди, исто така, извести за напади врз резервоари за гориво во термоцентралата Керч, дистрибутивна станица за гас во Симферопол и трафостаницата „Западен Крим“.

Покрај полуостровот, украинските сили ја таргетирале и руската логистика на други окупирани територии. Беа погодени цистерна за гориво во Горливка, полигон за обука на пилоти на беспилотни летала во близина на Дебалцево во регионот Донецк и воени логистички возила во регионите Донецк, Луганск, Запорожје и Херсон.

Во текот на ноќта имаше извештаи за експлозии и пожари низ целиот Крим. Каналот „Кримски ветер Телеграм“ извести за пожарите на нафтениот терминал во пристаништето Кавказ и на железничката станица Јужна во Керч, повикувајќи се на сателитски податоци за детекција на пожар. Друг канал, „Супернова+“, исто така извести за експлозиите, наведувајќи дека целта бил комплексот за складирање на нафтени производи ТЕС-Терминал.

ВИДЕО | Дроновите сејат смрт од Суми до Воронеж — загина семејство во Украина, петмина убиени во руска фабрика