Пороен дожд, грмежи и град ги погоди Штип, Гевгелија, Неготино и Демир Капија
Силно невреме попладнево ги зафати регионите на Штип и Гевгелија, каде што се регистрирани силен пороен дожд, грмежи, засилен ветер и појава на град.
Препорачано
-
1
-
2
-
3
Невремето, како што посочуваат од УХМР, полека се движи кон југоисток. Се очекува и посилен развој на невремето па стишување во доцните вечерни часови.
Во 18:25 часот е забележана изразена атмосферска нестабилност и на потегот меѓу Неготино и Демир Капија, проследена со интензивен дожд, силни електрични празнења и локална појава на град.
Нестабилното време и натаму ги зафаќа централните и североисточните делови на Македонија, а надлежните апелираат граѓаните да бидат внимателни и да ги следат временските прогнози и предупредувања.
Метеоролозите најавуваат дека на одредени места процесите може да бидат поинтензивни, со услови за невреме, засилен ветер и поголема количина на врнежи за краток временски период.
