Облакодерот „Торе Моеве“ во Мадрид, во кој се наоѓа седиштето на истоимената шпанска енергетска компанија, беше евакуиран денес откако избувна пожар во зградата. Според полициските информации, пожарот е ставен под контрола во текот на попладнето, а во инцидентот нема повредени, пишува „Ројтерс“.

Hace unos 15 minutos se oyó una explosión en la torre de Moeve, en la 4 torres en Madrid pic.twitter.com/gChyIEGIe1

— ArturoCrosby (@ArturoCrosby) June 23, 2026

Пожарот избувнал во финансискиот кварт на шпанската престолнина, а поради густиот чад, вработените и другите луѓе кои во тој момент биле во облакодерот биле евакуирани од зградата. Фотографиите од новинските агенции покажуваат луѓе собрани пред зградата по евакуацијата.

Евакуација поради густ чад

Сведоци известуваат дека од зградата почнал да се шири густ чад, поради што е започната евакуацијата. Една од вработените рекла дека морала да се спушти пеш по дури 34 ката за да излезе од зградата.

#Últimahora 🚨 Un incendio en la torre Moeve, en las Big Four de #Madrid, genera una intensa humareda y obliga a desplegar un amplio operativo.

Algunos testigos relatan que se ha producido una explosión.pic.twitter.com/IaIrJq9YPW

— eSPAINews (@eSPAINews_) June 23, 2026

Очевидец изјавил за „Ројтерс“ дека забележал чад и почувствувал испарувања дури и пред да се огласи противпожарниот аларм. Снимките објавени од очевидци покажуваат чад како излегува од средниот дел на 49-катниот облакодер.

Полицијата потврди дека пожарот е ставен под контрола и дека никој не е повреден. Причината за пожарот засега е непозната.

ВИДЕО | Пожари дивееја низ Хрватска: Четири авиони гасеа кај Шибеник, скоро 50 пожарникари кај Плата