Португалската фудбалска репрезентација води против Узбекистан во второто коло од групната фаза на Светското првенство со 3:0.

По лошиот почеток на Светското првенство и нерешениот резултат со ДР Конго, Португалија покажа брза реакција веќе во првото полувреме на стадионот во Хјустон.

Португалија поведе во шестата минута откако Жоао Кансело му асистираше на Кристијано Роналдо.

Нешто подоцна, во 17 минута беше досуден фаул на работ од шеснаесетникот, од позиција каква што само посакува Кристијано Роналдо.

Сите мислеа дека Роналдо ќе го изведе ударот, врз основа на поставеноста, но следеше изненадување.

Роналдо застана, на сцена стапи Нуно Мендеш, кој со левата нога беше исклучително прецизен и ја испрати топката во мрежата на немоќниот узбекистански голман, Нематов.