Претседателот на САД, Доналд Трамп, во среда ги критикуваше нафтените компании што не ги намалија цените на бензинот во согласност со неодамнешниот пад на цените на суровата нафта.

-Големите нафтени компании не ја намалуваат цената на пумпите за да одговараат на значително пониските цени што ги плаќаат за нафта. Тие цени паѓаат како камен-, напиша Трамп во објава на Truth Social.

-Со други зборови, клиентите се „измамени“. Му наложив на Министерството за правда веднаш да започне истрага за ова. Цените на бензинот треба да почнат да паѓаат многу побрзо отколку што можам да видам!- додаде тој.

CNBC контактираше со Министерството за правда на САД за коментар и чека одговор.

Карен Јанг, виш истражувач во Центарот за глобална енергетска политика на Универзитетот Колумбија, ја опиша објавата како „политички театар“, истакнувајќи дека „тоа не е баш начинот на кој функционираат цените на бензинот во САД“.

-Постојат државни и локални даноци што се однесуваат на цената на бензинот на бензинските пумпи во Соединетите Држави- изјави Јанг за „Access Middle East“ на CNBC- пренесе Ројтерс.

Од утре дизелот поевтин за 7 денари, бензините за 3,5 и 4 денари за литар