Канибалот од Босна, Сабахудин Велиќ, кој со секира си ја убил мајката Насиха (60), па потоа јадел дел од нејзиното тело, како и Анте Ниче од Ливна, кој заклал тројца членови од своето семејство, остануваат на чување и лекување во Заводот за форензичка психијатрија, пренесува Курир.рс. 

Судијата од општинскиот суд пред неколку дена, по обновената постапка и сослушување на тим на вештаци во невропсихијатрија, донел решение за продолжување на лекувањето на Велиќ.

Од општинскиот суд информираат и дека тројниот убиец од нивниот кантон, Анто Ниче, исто така ќе продолжи да се лекува во истата устанува во Сокоц.

Според податоците од Заводот за форензичка психијатрија на Сокоц, моментално во нивната установа се лекуваат 92 лица, информираат босанските медиуми.

Страшниот случај со Сабахудин Велиќ се случил минатата година на 14 септември, кога тој сам и се предал на полицијата во Сараево и раскажал дека во дворот од семејната куќа со секира ја убил својата мајка, а потоа и јадел дел од нејзиното тело.