Ново истражување открива дека црното чоколадо може да ви помогне да согорите повеќе калории. Црното чоколадо со 70 и повеќе проценти какао е богато со растителни соединенија наречени флавоноиди и флаваноли, кои се поврзани со помал ризик од развивање кардиоваскуларни заболувања, пишува „Eat This, Not That“.

Американското здружение за срце забележува дека некои нови истражувања покажуваат дека консумирањето на црно чоколадо е поврзано со помал ризик од инсулинска резистенција и висок крвен притисок.

Едно истражување во кое биле вклучени луѓе со значително поголема телесна тежина, открило дека консумирањето на црно чоколадо и сурови бадеми помага во намалување на „лошиот“ холестерол во крвта.

Други истражувања сугерираат когнитивни придобивки како што се подобрување на меморијата и подобрување на расположението.

Иако некои експерти веруваат дека сè уште нема многу цврсти докази за здравствените придобивки од црното чоколадо, со текот на времето се додаваат сè поголем број причини кои може да ве охрабрат да уживате во неколку коцки црно чоколадо после вечера.