Уругваецот раскинува со Гремио: Лионел Меси го чека Луис Суарез во декември?!
Луис Суарез го направи првиот чекор кон преселба во Интер Мајами, за да им се приклучи на пријателите од Барселона Лионел Меси, Серхио Бускетс и Жорди Алба.
Уругвајскиот напаѓач се договори со бразилски Гремио да го раскине договорот во декември оваа година, една година пред истекот, за да премине во МЛС клубот од јануари 2024 година.
Суарез шест сезони ја делеше соблекувалната на Барселона со Меси, од 2014 до 2020 година, тие се големи пријатели и се очекува повторно да соработуваат на крајот од кариерата во МЛС лигата. Постоеше желба Суарез да го засили клубот ова лето, но го кочеше двегодишниот договор со Гремио кој го потпиша од почетокот на 2023 година.
Според новинарот Фабрицио Романо, 36-годишниот Уругваец постигна договор со Бразилците да ја заврши сезоната и да се пресели во Интер Мајами како слободен играч.
За Гремио постигна 11 гола на 24 меча, имаше повреда на коленото која му ја доведе кариерата во прашање, но верува дека сè уште е во добра форма, со желба за игра, а гладен и за голови.
Luis Suarez has agreed with Gremio to terminate his contract in December 2023; despite deal expiring in December 2024. 👋🏻🇧🇷
👚🇺🇸 Inter Miami remain interested in signing Suarez as free agent for 2024, after deal collapsed this summer. pic.twitter.com/uwcqt1Mvu8
— Fabrizio Romano (@FabrizioRomano) July 30, 2023