УФЦ 259: „Полскиот чекан“ подобар од Адесања
На УФЦ 259 приредбата, во главната борба Јан Блахович ја обрани титулата во полутешка категорија (93 кг.) победувајќи го фаворитот и актуелен шампион во средна категорија (84 кг.) Израел Адесања со едногласна одлука на судиите по пет рунди.
Сите тројца судии победата му ја доделија на „полскиот чекан“ Блахович и тоа со 49:46, 49:45,49:45, а одлучувачки беа шампиoнските рунди кои му припаднаа на Полјакот благодарение на рушењата како и контролата на борбата да дојде до голема победа.
Jan Blachowicz beats Israel Adesanya to remain the light heavyweight champ ? #UFC259 pic.twitter.com/JlJ2lSt55f
— ESPN (@espn) March 7, 2021
Ова воедно беше прв пораз за Израел Адесања во професионалната кариера по 20 победи по ред и тоа во првиот негов меч во полутешка категорија, која не е негова природна категорија. Следниот предизвикувач на Блахович најверојатно ќе биде Бразилецот Гловер Тешеира.
Во борбата за титулата во перолесна категорија во женска конкуренција, шампионката Аманда Нунес во октагонот беше само 123 секунди кои и беа доволни да ја совлада предизвикувачката Меган Андерсон и тоа со „триангл-армбар“. Ова беше втора одбрана на титулата за Нунес во перолесна категорија, а се наоѓа во серија од 12 победи во низа.
DOMINANCE ?
Another victory for Amanda Nunes. #UFC259 pic.twitter.com/z0gGqR5hcC
— ESPN (@espn) March 7, 2021
Во третата борба за титулата, во бантам категоријата (61 кг.) во машка конкуреција, бизарен кикс го остави Петр Јан без титулата. Имено, Русинот во четвртата рунда упати недозволен удар со колено во главата на Алџамаин Стерлинг по кој борецот од Јамајка не беше во состојба да ја продолжи борбата и Јан заработи дисквалификација и остана без титулата.
Aljamain Sterling is the NEW UFC Bantamweight Champion after this illegal knee disqualified Petr Yan #UFC259pic.twitter.com/lQ6ITgu9ip
— Spinnin Backfist (@SpinninBackfist) March 7, 2021
Во последните моменти од четвртата рунда, Стерлинг со едното колено беше на земја, а во тие моменти Петр Јан се сврте кон своите тренери да ги праша дали да му зададе удар на противникот и доби потврден одговор. Но, според правилата на УФЦ, кога еден борец со едно колено или рака е на земја, не е дозволено да се удира во главата. Поради тоа Јан заработи дисквалификација иако дотогаш водеше со 2:1 кај судиите и беше на добар пат да ја одбрани титулата. Новиот шампион Стерлинг побара веднаш да следува нова борба со Јан.
Тренинг партнерот на Хабиб Нурмагомедов, Ислам Макачев во третата рунда го натера својот противник Дру Добер да се предаде и најави дека е подготвен да ги предизвика најдобрите борци во лесна категорија.
Khabib walks out with Islam Makhachev at #UFC259
(via @btsportufc)pic.twitter.com/tw7FU6va6a
— Bleacher Report MMA (@BR_MMA) March 7, 2021
Српскиот борец Александар Ракиќ со едногласна судиска одлука го совлада поранешниот предизвикувач во полутешка категорија, Тијаго Сантос и е чекор поблиску до напад на титулата која е во сопственост на Блахович.
