Турската полиција уапси 97 студенти на истанбулскиот универзитет „Богазиџи“ во вторникот, бидејќи протестираа против конференција на кампусот на која учествуваше контроверзен муслимански проповедник.

Студентите протестираа против учеството на конференцијата на Нуретин Јилдиз, муслимански проповедник познат по своите контроверзни ставови за раните бракови. Конференцијата ја организираше студентски клуб на универзитетот.

Вкупно 97 студенти беа уапсени кога се обидоа да го пробијат полицискиот кордон на универзитетскиот кампус, изјави гувернерот на Истанбул, Давуто Ѓул, доцна во вторникот навечер, додавајќи дека 13 полицајци биле повредени кога паднале во градежна јама длабока пет метри за време на судирот.

Во последните месеци, студентите беа на чело на протестите во Турција поради апсењето на градоначалникот на Истанбул, Екрем Имамоглу, главниот политички противник на претседателот Таип Ердоган.

Студентите и академскиот кадар во Богазичи редовно протестираат во последните години против она што го карактеризираат како владини интервенции во универзитетските институции.