Насилник од српскиот град Смедерево ноќеска бил уапсен откако со воздушен пиштол пукал кон група тинејџери во дворот на основно училиште и погодил еден од нив во раката, пренесува „Нова“.

На пукањето му претходела расправија и туркање меѓу групата тинејџери и 24-годишниот осомничен, откако момчињата се обиделе да ја одбранат девојка која осомничениот наводно ја допирал.

„Во еден момент тој ѝ пришол на девојката и наводно ја допирал, по што тинејџерите му пришле и му рекле да престане. Тогаш дошло до туркање“, изјавил извор за весникот „Блиц“.

Според неофицијалните информации, осомничениот по расправијата отишол дома и го зел пиштолот, а потоа се вратил во училиштето и пукал кон децата.

При пукањето, едно од децата било погодено во раката.

„На друг тинејџер му вперил пиштол и му се заканувал дека ќе го застрела“, изјавил изворот.

Полицијата во Смедерево објави дека осомничениот, со иницијали У.Р., по индицентот се обидел да побегне прво со скутер, а потоа и пеш, но полициските службеници набрзо го стигнале и го уапсиле.

При претрес на семејната куќа на осомничениот, бил пронајден и одземен гасен пиштол со соодветна рамка, во која имало 11 метални топчиња.

По налог на основниот јавен обвинител, на осомничениот му е одредено задржување до 48 часа, по што, со кривична пријава, ќе биде приведен пред обвинителството.

Потресни сведоштва на родителите чии деца беа убиени во масакрот во училиштето „Владислав Рибникар“ во Белград