Лишен од слобода е туристички водич во автобус, косовски државјанин поради сторено кривично дело „давање поткуп“, информираат од МВР. Денеска во 6 часот и 30 минути на подрачјето на СВР Куманово од страна на полициски службеници од Мобилната единица за компезаторни мерки при Одделот за гранични работи и миграција, сопрен е автобус „мерцедес“ со косовски регистарски ознаки.

Од извршената контрола констатирано е дека автобусот е управуван од страна на Х.У. државјанин на Турција. Од страна на Н.Ц. косовски државјанин кој бил во улога на водич во автобусот била приложена патна исправа за идентификација во која имало банкнота од 50 евра. Н.Ц. е лишен од слобода по член 358 став 1 од Кривичниот законик „давање поткуп“ и е спроведен во полициска станица Крива Паланка.

По целосно документирање на случајот ќе биде поднесена соодветна кривична пријава, велат од МВР.