Турист кој го посетил норвешкиот арктички архипелаг Свалбард е казнет со повеќе од 1.100 долари (900 фунти) затоа што премногу се приближил до морж, пишува „Би-би-си“.

Припадниците на јавноста ги алармирале локалните власти кога виделе човек како оди на ледената лента за да му пријде на животното.

Tourist fined $1,100 for approaching walrus in Norway https://t.co/TjDaz4d2fR

— BBC News (UK) (@BBCNews) April 27, 2024

Незаконски е да се пристапи кон дивиот свет на Свалбард на начин што ги вознемирува.

Инцидентот се случил во близина на Лонгјарбиен – најсеверната населба во светот.

Законот за животна средина на Свалбард предвидува дека целиот сообраќај на архипелагот мора да се одвива на начин што нема да доведе до непотребно нарушување на локалниот див свет – кој вклучува поларни мечки, фоки, китови, ирваси и арктички лисици.

Гувернерот ги охрабри сите да држат добро растојание од моржовите за да не се вознемируваат и да избегнуваат опасност за луѓето.

Полицискиот обвинител Магнус Риндал Фредриксен изјави за Би-Би-Си дека делови од инцидентот биле набљудувани од неколку вработени на гувернерот.