Англија ја совлада Хрватска со 4-2 на стартот од Светското првенство, а селекторот Томас Тухел имаше многу причини за задоволство по успешниот почеток на турнирот.

Сепак, германскиот стратег беше видно фрустриран поради еден момент на самиот почеток на натпреварот, во кој главна улога имаа фоторепортерите.

Тухел упати апел до Светската фудбалска федерација да се најде подобро решение за позиционирањето на медиумските екипи за време на интонирањето на химните.

„Ја молам Светската фудбалска федерација да најде други позиции за фоторепортерите за време на интонирањето на химните. Додека ја фотографираа нашата клупа, не можев да ја видам својата екипа“, изјави Тухел.

Тој додаде дека целиот момент му оставил негативен впечаток.

„Го чекав овој момент две години, а потоа пред мене се појави ѕид од луѓе. Ми расипаа едно навистина убаво искуство“, истакна селекторот на Англија.

Тухел го кажа своето, а останува да се види дали оваа негова реакција ќе предизвика промени кај челниците на светската куќа на фудбалот.

🚨🚨🎙️| Thomas Tuchel on photographers blocking his view during the national anthem:

“I’m 𝐁𝐄𝐆𝐆𝐈𝐍𝐆 FIFA to 𝐂𝐇𝐀𝐍𝐆𝐄 the position of photographers during the national anthem. I couldn’t see my team.

“I was waiting for this moment, it’s a very special moment, and I was… pic.twitter.com/iZPPZfdCAK

— CentreGoals. (@centregoals) June 18, 2026

Откриена причината за солзите на Меси против Алжир

ВИДЕО | Бројките не лажат: Роналдо е проблем за Португалија, го критикуваше и Анри