Со победа над Ирак, фудбалската репрезентација на Норвешка го одбележа своето враќање на Светското првенство по пауза од 28 години, а главна ѕвезда на натпреварот повторно беше Ерлинг Халанд, кој постигна два од четирите погодоци за „Викинзите“.

Халанд уште еднаш ја потврди својата голгетерска форма и беше клучен човек во убедливиот триумф, кој предизвика огромна еуфорија меѓу навивачите во Норвешка.

Радоста по неговите голови, сепак, отиде чекор подалеку од вообичаеното славје. Според локални извештаи и експертски мерења, силната еуфорија на навивачите во моментите на погодоците била доволна да предизвика и мал земјотрес.

„Во среда навечер, сеизмолошката станица во Берген регистрираше јасни сигнали во близина на станицата за време на натпреварот од Светското првенство, помеѓу Норвешка и Ирак. Најголемите осцилации се совпаднаа со головите на Ерлинг Браут Халанд, што предизвика силни овации кај норвешките навивачи. Сигналите веројатно се резултат на овациите и движењата меѓу норвешките навивачи кои го следеа натпреварот во Берген “, се вели во соопштението на институтот NORSAR.

ВИДЕО | Мундијалски вести: Невидливиот Роналдо ја угуши Португалија, Англија ја наполни мрежата на Хрватска