Тројца мажи се уапсени во Велика Британија денеска под сомнение дека помагале на странска разузнавачка служба, спротивно на член 3 од Законот за национална безбедност од 2023 година, соопшти Метрополитен полицијата, објави Скај њуз.

Меѓу уапсените се 39-годишен маж во Лондон, 68-годишен маж и 43-годишен маж во Велс. Сите беа приведени, и се уште се  наоѓаат во притвор.

Истрагата е поврзана со Кина, соопшти полицијата.

-Во последните години видовме значително зголемување на нашата работа поврзана со националната безбедност и продолжуваме тесно да соработуваме со нашите партнери за да ја одржиме земјата безбедна и да преземаме мерки за справување со злонамерни активности кога се сомневаме во нив. Денешните апсења се дел од проактивна истрага и, иако станува збор за сериозни прашања, не веруваме дека постои непосреден ризик за јавноста. Нашата истрага е во тек и ѝ благодариме на јавноста за континуираната поддршка – изјави Хелен Фланаган, началничка на лондонската Команда за борба против тероризмот.