Триумф на Маркез на јубилејната 200. трка во Мото шампионатот
Марк Маркез е победник на трката за Големата награда на Арагон и на најдобар начин го одбележа јубилејот, 200. трка во шампионатот. Шпанецот беше доминантен во целиот викенд, имаше најдобро време на тренинзите, на вчерашните квлаификации, а на денешната трка немаше потреба да стравува за лидерската позиција бидејќи веднаш направи предност која му овозможи мирно да вози до крајот на трката.
Второто место му припадна на возачот на Дукати, Андреа Довициозо кој на два круга пред крајот го помина Маверик Вињалес од Јамаха. Вињалес додека да се освести од претекнувањето од Довициозо, веднаш беше поминат и од Џек Милер кој на крајот го освои третото место.
Brave move from @mvkoficial12! ?
The Spaniard picks off @jackmilleraus to take second! ?#AragonGP ?? pic.twitter.com/ZwGPCodz1z
— MotoGP™ ?? (@MotoGP) September 22, 2019
Покрај најдобрата тројка, на четвртото место се најде Вињалес, а по него до 10 место се пласираа и Кал Крачлоу, Алеиш Еспаргаро, Валентино Роси, Алекс Ринс и Такаги Накагами.
Следната трка од Мото ГП шампионатот ќе се вози на 6 октомври за Големата награда на Тајланд.