Португалскиот тим Бенфика во своите редови има бисер од кој ќе ја наполни клупската каса бидејќи уште сега има екипи кои се подготвени да потрошат најмалку 70 милиони евра.

Новиот бисер на Бенфика е уругвајскиот репрезентативец, Дарвин Нуњез (22) кој со одличните игри го привлече вниманието на гигантите меѓу кои најконкретни се Челси, Манчестер Јунајтед и ПСЖ.

Според португалските медиуми, Бенфика нема намера да ги разгледува понудите помали од 70 милиони евра, што е речиси трипати повеќе од тоа што го плати на Алмерија во 2020 година за трансферот на Нуњез. Нуњез во Бенфика пристигна за сума од 24 милиони евра.

Челси, Манчестер јунајтед и ПСЖ веќе ги известиле челниците на португалскиот тим дека се подготвени да платат 70 милиони евра за евентуалниот трансфер на Нуњез на лето, но се очекува сумата да се зголеми бидејќи интерес пројавуваат и Реал Мадрид и Манчестер сити.