Американскиот претседател Доналд Трамп во своето прво интервју по пукањето на вечерата на дописниците од Белата куќа изјави дека тој и првата дама се добро и го пофали одговорот на безбедносните служби.

ВИДЕО | Се појавија снимки од апсењето на напаѓачот на вечерата на Трамп – Слободен печат

Во разговор за „Фокс њуз“, Трамп го опиша настанот како „многу тажна вечер во многу погледи“, но и вечер каде „се собраа многу луѓе“. Ги пофали Тајната служба и полицијата, нагласувајќи дека реагирале „вонредно“.

„Тој влета како играч на американски фудбал, но тие веднаш го запреа. Тој дури и не се приближи до вратата, ниту помина покрај неа“, рече Трамп.

Тој, исто така, коментираше за информациите дека осомничениот имал манифест во кој наводно ги таргетирал службениците на неговата администрација.

Трамп рече дека станува збор за „болна и многу проблематична личност“ која, како што тврди, „ги мрази христијаните“.

„Се чини дека тој веќе некое време негува омраза. Тоа беше религиозно прашање, силно антихристијанско“, рече американскиот претседател, иако полицијата сè уште не утврдила мотив за нападот.

Тој додаде дека слушнал дека братот на осомничениот наводно претходно ја известил полицијата во Њу Лондон.

„Слушнав за таа ситуација и би сакал да не информираат малку порано, но тоа е“, рече тој.

Трамп повтори дека пукањето ја покажува потребата од изградба на безбедна соба во комплексот на Белата куќа. Тој рече дека проектот е веќе во изградба, дека напредува побрзо од планираното и дека останува во рамките на буџетот. Кога беше прашан за одржување на идни настани во хотелот Хилтон, тој рече дека тоа е секогаш предизвик „кога имате илјада соби“.

На прашањето дали инцидентот ќе го натера Конгресот да одобри финансирање за Министерството за внатрешна безбедност, Трамп не одговори директно, туку повторно ја пофали работата на полицијата. Тој додаде дека не е свесен колку е опасна претседателската канцеларија.

„Ако сте значаен претседател, сте во поголема опасност отколку ако не сте“, рече тој.

Трамп, исто така, потврди дека планираната посета на британскиот крал Чарлс и кралицата Камила на САД ќе се одржи.

„Тој е голем човек и со нетрпение го очекуваме неговото пристигнување. Тој ја претставува својата земја фантастично“, рече Трамп.

ВИДЕО | Пукање на вечера на која бил Трамп – претседателот итно евакуиран, повреден таен агент