Две 11-годишни момчиња се спасени во два одделни случаи, од урнатините зградите што се срушија во Венецуела која беше погодена од силни земјотреси, објави Би-Би-Си.

Видео снимки од првото момче, именувано како Мојсес, го прикажуваат како е извлечен од урнатините – неговите очи се покриени за да го заштитат од сонцето а го дочекува аплаузот на спасувачите.

Часови подоцна, привремената претседателка Делси Родригез објави дека е спасено уште едно 11-годишно момче и објави видео од него на социјалната мрежа Икс, како го носат на носилка откако е извлечен од голем насип.

Земјотресите со јачина од 7,2 и 7,5 степени во средата одзедоа најмалку 1.450 животи. Десетици илјади луѓе сè уште се водат како исчезнати.

Повеќе од три дена по земјотресите, спасувачите не се откажаа од надежта, велејќи дека луѓето сè уште би можеле да бидат живи, особено ако имаат пристап до храна и вода под урнатините.

Двата земјотреси, кои се случија во рок од 39 секунди, предизвикаа уривање на стотици згради, а многу луѓе останаа заробени внатре. Очајните семејства рачно копаат низ урнатините, обидувајќи се да ги пронајдат своите најблиски.