Претседателот на Русија Владимир Путин воведе целосна забрана за извоз на бензин и авионски керозин, додека се разгледува можноста за воведување слична мерка и за дизел горивото. Тој ја соопшти оваа информација во директен телевизиски пренос на руската државна телевизија, за време на состанок со државниот врв.

-Во интерес на домашните потрошувачи привремено е воведена целосна забрана за извоз на бензин и авионски керозин. Се разгледува и потребата од целосна забрана за извоз на дизел гориво, рече тој.

Одлуката доаѓа во период кога Украина интензивно изведува напади со беспилотни летала врз руските енергетски капацитети. Во изминатите месеци беа погодени повеќе руски рафинерии, меѓу кои и постројката НОРСИ на „Лукоил“, како и големи нафтени капацитети во Московската и Јарославската област.