Девет лица заболени од ковид-19 починаа во болница во Владикавказ на југот од Русија поради хаварија на цевките со кислород, објавија руските медиуми.

Прес службата од регионот наведе дека на одделението за интензивна нега биле 71 лице, пренесува РИА новости, а ТАСС известува дека 9 пациенти заболени од коронавирус починале поради недостаток на кислород.

Согласно договорот на регионалните власти со Министерството за одбрана сите градски болници требало да се снабдуваат со кислород од градот Моздок, кој е на околу 80 километри оддалечен од Владикавказ.

– Медицинскиот персонал почнал да ги поврзува пациентите кои биле на респираторот со доводот на кислород. Почнаа да пристигнуваат резервоари со кислород, рече вршителот на должност шеф на Северна Осетија, Сергеј Менјаило.

Руското сојузно здравствено надзорно тело Росдравнадзор ќе го истражи случајот, пренесе Интерфакс.