Спринтерот од Бахамите, Шавез Харт е убиен во саботата вечерта шред ноќен клуб откако претходно дошло до физичка пресметка со непознати лица во Абако.

Според медиумите во Бахамите, две групи на момчиња се степале на паркингот пред дискотека,  по што инцидентот се претворил во трагедија кога еден од нив извадил пиштол и почнал да пука. Харт бил погоден во градите, а брзата помош која пристигнала на местото не успеала да го спаси животот на спринтерот.

– Брзата помош веднаш пристигнала на местото на несреќата, но не успеала да пронајде знаци на живот кај застреланиот спортист. Осомничениот е уапсен и му е одреден притвор – соопшти полицијата во Абако.

Несреќниот Шавез Харт за два дена, на 6 септември, требаше да го прослави 30-тиот роденден. Тој беше третиот најбрз спринтер од Бахамите со време од 10,10 секунди да 100 метри. На Светското првенство во атлетика во Портланд 2016 година го освои сребрениот медал во штафетната трка на 4х400 метри