Тортилја со фил од јајце, шунка и кашкавал: Појадок готов за 10 минути
Никој не сака кога ќе стане и ќе почувствува глад, да поминува многу време за подготвување јадење, затоа овој оброк е совршен избор за вас.
Состојки:
– 1 тортилја
– 3 јајца
– 4 парчиња шунка или коцкички шунка
– малку кашкавал
– еден среден домат
– малку свежа краставица
– сол
– малку масло
Подготовка:
Овој појадок е многу едноставен за подготовка и бара само правилно распоредување на состојките.
На малку масло пропржете ја шунката, па врз неа искршете ги јајцата и малку измешајте ги за побрзо да се испржат. Потоа, ставете го кашкавалот врз јајцата и шунката.
Потоа, сè преклопете со тортилјата и по неколку минути свртете ја тортилјата заедно со состојките. Додајте ги доматот и краставицата, малку посолете, па тортилјата со смесата свиткајте ја во ролат.
Имате подготвен појадок!