Том Брејди се пишмани, ја прекина пензијата која му траеше само 40 дена
Легендарниот квотербек Том Брејди ја прекина пензијата и одлучи следната сезона повторно да настапува во НФЛ лигата. Брејди потврди дека во следната сезона ќе го носи дресот на Тампа Беј баканирс.
– Во последните два месеци сфатив дека моето место и понатаму е на теренот, а не на трибините. Ќе дојде и тоа време, но не сега. Ги сакам соиграчите како и семејството кое ме поддржува. Без нив, ништо немаше да биде можно. Имаме недовршена работа, се враќам за својата 23 сезона во Тампа – напиша Брејди на социјалните мрежи со што потврди дека се враќа од пензија.
View this post on Instagram
Брејди на 1 февруари и официјално потврди дека заминува во пензија по 22 сезони поминати во НФЛ лигата во кои освои седум титули.
Првите 20 сезони од кариерата ги помина во Њу Ингланд петриотс со кого освои шест шампионски титули, додека последните две години го носеше дресот на Тампа Беј и освои една титула.