На социјалните мрежи се појави ретка ретро приказна за легендарното македонско дуо Калиопи и Ромео Грил. Станува збор за слика од насловна страница извадена од некогашниот популарен магазин „Екран“.

На сликата домнинира нивниот препознатлив имиџ од 1980-тите кога беа брачна двојка и музичко дуо.

Приказната за Калиопи и Ромео започнува во раните 1980-ти години, кога ја основаат групата „Калиопи“. Ромео Грил како композитор и аранжер, а Калиопи Букле како вокал, создадоа бренд кој брзо ги надмина границите на Македонија. Нивната соработка донесе хитови кои и денес, по повеќе од 30 години, станаа евергрини.

Калиопи и Ромео беа во брак, а по нивното разделување и паузата која ја направија, многумина мислеа дека е завршено со нив. Тие сепак го надминаа приватниот проблем и продолжија да функционираат како брилијантен професионален тим.

Ромео Грил е авторот кој стои зад нејзиното големо евровизиско враќање со моќната „Црно и бело“ (Евровизија 2012), како и зад подоцнежниот евровизиски хит „Дона“ (2016). Ова само докажа дека нивната формулата за успех е безвременска. Тој е автор на многу хитови, меѓу кои и песните од актуелниот албум, „Албум“.

– Ромео е, пред сѐ, голем професионалец. Тој секогаш совршено знае што сака да постигне додека создава една песна и што бара од своите соработници. Јас во студио потполно им се препуштам на неговите сугестии, бидејќи бескрајно верувам во неговите продуцентски способности. Сме знаеле и да се искараме во студио, како не! Но тоа биле конструктивни кавги, во име на продуктивноста во работата, кои секогаш завршувале со смеа правејќи шеги на своја сметка. Најчесто тој е оној кој е во право, но умее многу добро да го прати и почитува мојот внатрешен глас“, рече Калиопи во претходно интервју за „Слободен печат“.