„Тешко ќе останеме на 2,5 проценти инфлација, бидејќи е под влијание, пред сè, на надворешните геополитички влијанија, промените на финансиските пазари, меѓутоа, пред сè, инфлацијата го има главното жариште во домашната економија“, рече Зоран Ивановски. универзитетски професор, во вечерашната дебата во „Вин-вин“ на „Телма“.

„Пред Централната банка и во наредната година остануваат предизвиците прудентна макроекономска, односно монетарна политика, со цел да ја контролира ценовната стабилност во државата. Инфлацијата кај нас ја добива сила од она што се и проекциите за наш раст и развој за наредната година, а тоа е стимулација на јавната и приватната потрошувачка“, смета Ивановски.